XEOGRAFÍA DE GALICIA

Exposición de traballos sobre a cartografía

Nestes días parécenos axeitado facer unha viaxe virtual por Galicia. Como non viaxamos en autobús, dadas as circunstancias,  a atmosfera estará encantada: menos contaminación!
Hai actividades que son sinxelas pero outras non tanto. So pedimos que antes de contestar busquedes a información e non respondades ao chou.

Bueno, todos, todos cometemos erros. Se contestamos algún apartado por ensaio/ error tampouco pasa nada e se saltamos as mui difíciles tampouco.
Intentámolo!

Modelamos o municipio de Bueu, O Morrazo, Galicia, ...

Este traballo do que é autor José Manuel Boo está no espazo Abalar

CLICANDO

No apartado Web, vídeos do traballo tendes imaxes espectaculares de Galicia

TRABALLAMOS AS CIENCIAS SOCIAIS:

No pasado recente coas lendas da nosa contorna fixeramos distintos tarefas, entre elas:

Gravar podcast para Radio Faladoiro Clica

Divulgalas a través de internet Clica

Podiamos agora facer unha viaxe virtual por algúns dos lugares que se citan nas lendas usando google maps.

Por certo, hoxe entra a primavera. Escoitamos a Vivaldi, mentras traballamos. Clica

Tamén realizar itinerarios para unha viaxe real (lugar e hora de saída, pousada para bocata, chegada). Combinar autobús e camiñatas.

Ah, buscade día sen chuva en meteogalicia ou noutra app do tempo.

Ánimo podedes gardar o traballo e expoñer, pegar na libreta, para mural, gravar, colgar en distintas plataformas, ...

GOOGLE MAPS

https://earth.google.com/

ROSALÍA DE CASTRO: CIENCIAS SOCIAIS, LINGUA, MÚSICA, ...

Hai unhas semanas traballamos a figura de Rosalía, con actividades plásticas, da lingua e a literatura, musicais, das ciencias sociais, da publicación e divulgación da súa figura nos distintos medios de comunicación, da revindicación do papel da muller na sociedade, ...

Agora realiza ti estas actividades que propón o CEIP Nosa Señora das Dores.  Clica!!

Marcelo Dobode dinamizando a nosa biblioteca escolar

Cando remates as actividades escoita a:
 Uxía Lambona e a Banda Molona : "Verdescente"
Marcelo Dobode: "Rosalía"

Mentres a música se escoita realiza unha ilustración coloreada con texto que poidamos utilizar nun mural.

A REPRESENTACIÓN DA TERRA

Como ao ver unha esfera con cores podemos imaxinar o planeta Terra? Unha mancha vermella cunhas pequenas luces nos podía axudar a localizar nun continente distintos seres vivos? Na visita que fixemos a Naturnova observamos, tocamos, buscamos, xogamos con representacións da realidade. Si, porque os cartógrafos deseñan mapas que representan aos continentes e as illas, os países, os mares, os ríos, as montañas... Os mapas físicos e políticos; pero tamén os temáticos onde se representa os climas, o lixo, a poboación,...

Os submarinos, os barcos, os avións poden buscar unhas coordenadas, un punto e chegar ao seu destino. Nosos familiares viaxan co GPS nas estradas sen perderse seguindo un itinerario. Se queres saber como se consegue, investiga:

Representación da Terra

A representación da Terra II

Mapas

Gracias aos docentes que poñen a disposición os recursos. Recollidos no espazo Abalar.

FENÓMENOS ATMOSFÉRICOS ou METEOROS

Os fenómenos atmosféricos son cambios ou sucesos naturais  que acontecen na atmosfera: o vento, as precipitacións, as nubes, as ondas de calor e frío, os furacáns, ...

A Axencia Estatal de Meteoroloxía e MeteoGalicia alertaron dun fenómeno meteorolóxico adverso de nivel LARANXA por refachos de vento superiores a 100km/h, que aconteceu o xoves, día 16.01.2020 ás 06.00 horas e prolongarase ata as 19:00 horas. Este fenómeno meteorolóxico afectou ás zonas das provincias de Pontevedra e A Coruña e a Mariña de Lugo.

Para realizarmos o contexto buscamos nos traballos de persoas e institucións datos e información para traballar os nosos recantos. Gracias a todos.


CLIMA E TEMPO ATMOSFÉRICO lim de actividades

Videoclip para os irmáns pequenos sobre o tempo Fenómenos da atmosfera

Fenómenos meteorolóxicos

IDEAS PARA AFORRAR ENERXÍA

Cando rematamos de investigar contamos o noso traballo

Citamos elementos do clima

O vento: a dirección co viraventos

Construímos aparatos para medilos

As precipitacións co pluviómetro

O vento: a velocidade co anemómetro

SAMAGOSTO

Fomos quen de crear unha palabra nova: SAMAGOSTO; pero non fomos orixinais, outros celebraron tamén o magosto e o samaín xuntos.

Imos explicarnos axiña: se hai que pasar medo despois non queda outra que encher o bandullo, sempre dixemos en Cela que as penas con pan, son menos penas.

Estamos escribindo do mércores 31 de outubro, alá apareceron a primeiras horas, colexialas coa cara chea de pingas de sangue, diaños con tridente, zombis e máis zombis,...

E así con esa pintiña fomos ao "Truco ou trato", oímos as palabras que botan fóra o meigallo, bebemos beberaxe máxico e escoitamos con paixón os contos de medo. Era samaín.


 Con tanto medo, a fame facía estragos. En canto poidemos engulimos castañas e máis castañas, xunto con bocatas de chouriso, lambetadas que saíron dun trato e auga para refrescar; algúns botaron en falta a colaloca porque a beberaxe tomámola en frascos pequenos e doce coma o zume, claro, así non apaghou a sede.
 Todo rematou con xogos que nos trouxeron Manolo Otero e os seus compañeiros.
Gracias a todos.


Ah, polo lei de protección de datos non temos detalles nin primeiros planos; pero dicir que algúns aproveitaron para ver con ollos doces as súas parellas, non sabemos se se colleron da man na escuridade dos contos. É estupendo que a xente se queira.
Bicos a todos

PRESENTACIÓN DO PATRIMONIO INMATERIAL RECOLLIDO POR CUARTO

Chegamos ao remate das nosas investigacións sobre o patrimonio inmaterial de Cela e a contorna: lendas, refráns, ditos, cancións de berce foron algúns dos exemplos recollidos.

Trasladamos unha parte das nosas pesquisas ao alumnado de infantil, a continuación ao primeiro ciclo e finalmente aos compañeiros de terceiro, quinto e sexto.

Salientamos que unha parte da exposición foi o resultado do traballo colaborativo con sexto pola relación entre alumnos titores- titorizados: nós contamos as lendas relacionadas con monumentos, ou algúns ditos e refráns relacionados co viño e eles explicaban os datos históricos ou no caso da vendima os datos da elaboración do viño.

Presentando o proxecto Patrimonio inmaterial ao alumnado de  infantil

VISITA AO CENTRO DE DÍA CONTIGO

Realizamos unha xornada de convivencia para afondar nos oficios que tiveran cando estaban activos laboralmente; pero non poidemos esquecer as nosas pesquisas sobre o patrimonio inmaterial.

Conversa sobre os oficios e as ferramentas que usaban

Os alumnos de terceiro preguntando sobre os seus antigos oficios, as ferramentas utilizadas, as diferenzas co mesmo traballo na actualidade, a idade de cando comezaron a traballar,...
Os de cuarto recolleron algúns refráns, ditos, recordaron algunha canción de berce e interpretaron conxuntamente as cantigas populares onde destacaron "A rianxeira" e "Catro vellos mariñeiros", que non foron as únicas. Remataron cunha chocolatada e bizcoito tradicional.
Unha alumna de cuarto comezaba así o seu traballo de composición escrita sobre a visita "Cantamos, bailamos, rimos, fixémoslles preguntas, ... Pasámolo xenial!

Bizcoito e chocolate: Gracias!

Dar as grazas a todos os que se esforzaron en preparar o encontro con rigor e profesionalidade para optimizar os resultados: Noraboa!

As mulleres ían menos a escola para axudar na casa e no campo

Compartindo no encontro patrimonio inmaterial: as cantigas tradicionais

A imaxe final conxunta  antes de volver ás aulas: un bico e moitas gracias.

OBRADOIRO DE ALFOMBRISTAS E VISITA DE PEPE CARREIRO

O 20 de abril recibimos a visita do autor dos Bolechas, Pepe Carreiro. O ilustrador colabora coa Asociación de Alfombras de Bueu para divulgar a cultura que se entretece arredor das rúas decoradas con distintos motivos na celebración do tradicional Corpus.
Moitas gracias a todos!!
A continuación podedes ver algunhas imaxes do obradoiro

VISITA A SANTIAGO

O martes, 17 de abril o alumnado de terceiro a sexto de primaria ralizaron unha visita ao Museo do Pobo Galego dentro do proxecto "Desenterrando os nosos tesouros".
Os alumnos realizaron un obradoiro onde a partir das materias primas como a madeira, barro, pedra, fíos -la, liño, cáñamo, ...- coñeceron distintos oficios: carpinteiros, telleiros,  canteiros, palilleiros, tecelás, redeiros, ...

 

De visita polas distintas instalacións observamos as súas ferramentas e algunhas particularidades dos traballos como as marcas dos canteiros, maneiras de falar que tiñan algúns oficios para que non os entendesen como os canteiros, telleiros e albaneis.

Unha viaxe estupenda!!

Podamos, transplantamos e coidamos as plantas.

Ficus transplantado despois do anegado e poda

Pólas enraizadas despois do anegado

Os compañeiros de quinto e sexto asumen a responsabilidade de manter as plantas neste último trimestre.

Así remata o noso labor de poda, anegado e transplantado que realizamos dende o inicio de curso o alumnado de terceiro e cuarto.

A seguir traballando!

Instrucións para transplantar

AS NOSAS TRADICIÓNS

Na clase de valores de cuarto de primaria achegámonos  a tradicións moi respectadas en Cela:

Nós tamén podamos o ficus e ...

Debemos de podar as viñas cando a Lúa mingua ou faise máis pequena; pero a partir de San Vicente, o 22 de xaneiro, xa podemos podar seguido porque o tempo escasea. Di o refrán “A partir de San Vicente, non hai minguante nin crecente”

... transplantamos aos tarros.

Outro refrán lémbranos que “O marzo chegar podemos enxertar”. Como “en abril, augas mil”, chove moito e hai menos frío os gomos das viñas medran.

Con estes refráns que forman parte da tradición oral realizamos un guión para a radio.

Que o pasedes ben escoitando!

O HOME DO SACO, A POZA DA MOURA e A CAPELA DE SAN LOURENZO

Eva, Nuria e Sonia recolleron estas tres fermosas lendas tradicionais que habitan no noso patrimonio inmaterial. Dúas son de Cela e a terceira do veciño municipio de Moaña.

A ver se es quen de colocalas en Cela e Domaio.

Un traballo estupendo!!

Que non te despiste que podes saír de Beluso e chegar aos montes de Cela andando, que non é tanto camiño. 

A LENDA da PEDRA FENDIDA e a de A COVA DE PORTOMAIOR

Con este traballo tratamos de facer multidisciplinar a nosa investigación arredor das lendas:

➮Recollelas das nosas familias ou veciños

➮-Escribir os textos na clase de informática

➮-Gravar en Radio Faladoiro

➮-Editalo no blog de terceiro e cuarto

Que o pasedes ben lendo ou escoitando!

PRENSA NA CLASE

Durante a semana do 5 ao 9 de marzo traballamos na clase cos xornais. Redactamos preguntas para as entrevistas ás mulleres, elaboramos os titulares e a redacción dunha noticia (quen?,  que?, onde?, cando?, como?  estaban na nosa cabeza); ata nos atopamos cunha lenda urbana "O hotel dos horrores de Poio"; na radio escolar realizamos unha entrevista a unha muller imaxinada por nós de Cela.

Se nos esquecía que localizamos informacións referidas á poboación dos sectores primario, secundario e terciario relacionando coas ciencias sociais.
Axudaron as páxinas Abalar  e os xornais enviados ao centro de La Voz de Galicia e o Diario de Pontevedra.

Redactamos as propostas de Dinamización da lingua e biblioteca escolar

VISITA DAS NAIS DA ANPA

Realizando as preguntas preparadas e recollendo respostas

Os nenos e nenas de cuarto recibimos, conmemorando o Día Internacional da Muller, a visita de dúas nais da ANPA para conversar con nós. Elexímolas como exemplo de mulleres que realizan o esforzo voluntario de aportar á comunidade escolar a súa colaboración. Ademais realizan o seu labor diario, as veces coa ausencia prolongado dos seus maridos, polo que teñen que encargarse de múltiples tarefas.
Defendemos a igualdede real das mulleres.

A AVISPA ASIÁTICA

Na biblioteca escolar recibimos información por parte da mestra Raquel sobre a velutina. En terceiro e cuarto, seguindo as instrucións escoitadas, confeccionamos trampas caseiras coa misión de impedir que este insecto rompa o equilibrio ecolóxico do noso ecosistema.
Cada un de cuarto levou unha trampa a casa e quedou a de Ángel para colocar no colexio. Puxémola nun camelio que está florecendo.

A ver se podemos controlar esta especie invasiva; pero cremos que vai ser difícil. Aquí está o noso intento.

COIDAMOS AS NOSAS PLANTAS DE INTERIOR

Antes de aterralo

Primeiro rego na xardineira

Hai uns cursos atrás aprendemos a reproducir unha planta por anegado aéreo. A un ficus puxémoslle terra húmida nunha pola que foi enraízando pouco a pouco.

 Este curso plantámolo nunha xardineira do piso superior. Está forte e medra cos nutrientes que lle botamos e a auga con que o regamos.

Non nos esquecemos das demáis plantas que regamos cada quince días