MICRORRELATOS: actividades de lectoescritura

Cartel da FANPA www.nontedurmas.org

No folleto da convocatoria indícase "UN RELATO CURTO narra unha historia ficticia, nun pequeno espazo de tempo, con poucos personaxes (...). Deixa ao lector que deduza parte dos feitos e que se atope cun final inesperado".

Le microrrelatos en galego clicando

 http://blogs.nontedurmas.org/certame/relatos-premiados/2019-2/

Microrrelatos en lingua castelá no seguinte enlace http://recursosdidacticos.es/textos/lectura.php?id=245

Nota 6º curso: As respostas a través da tarefa do Tema 1 de lingua galega. Comprensión texto "Amiga invisible"

ROSALÍA DE CASTRO: CIENCIAS SOCIAIS, LINGUA, MÚSICA, ...

Hai unhas semanas traballamos a figura de Rosalía, con actividades plásticas, da lingua e a literatura, musicais, das ciencias sociais, da publicación e divulgación da súa figura nos distintos medios de comunicación, da revindicación do papel da muller na sociedade, ...

Agora realiza ti estas actividades que propón o CEIP Nosa Señora das Dores.  Clica!!

Marcelo Dobode dinamizando a nosa biblioteca escolar

Cando remates as actividades escoita a:
 Uxía Lambona e a Banda Molona : "Verdescente"
Marcelo Dobode: "Rosalía"

Mentres a música se escoita realiza unha ilustración coloreada con texto que poidamos utilizar nun mural.

PRESENTACIÓN DO PATRIMONIO INMATERIAL RECOLLIDO POR CUARTO

Chegamos ao remate das nosas investigacións sobre o patrimonio inmaterial de Cela e a contorna: lendas, refráns, ditos, cancións de berce foron algúns dos exemplos recollidos.

Trasladamos unha parte das nosas pesquisas ao alumnado de infantil, a continuación ao primeiro ciclo e finalmente aos compañeiros de terceiro, quinto e sexto.

Salientamos que unha parte da exposición foi o resultado do traballo colaborativo con sexto pola relación entre alumnos titores- titorizados: nós contamos as lendas relacionadas con monumentos, ou algúns ditos e refráns relacionados co viño e eles explicaban os datos históricos ou no caso da vendima os datos da elaboración do viño.

Presentando o proxecto Patrimonio inmaterial ao alumnado de  infantil

Desenterrando os nosos tesouros: comeza cuarto

Os de cuarto buscamos con ansia esa peza de tesouro nos corredores da planta baixa, a carón da biblioteca, seguimos as pegadas da información que pesquisa tras pesquisa nos ía chegando.
Afondamos nos murais ata chegar a Torriño: alí estaba, no seu interior, pareceunos un ollo e como tal pasou á parte alta do mural no que esperamos que o crebacabezas se compoña.
Nós fixemos o noso, outros terán que ir compoñendo ese todo relacionado con María Victoria Moreno.
Xa mostraremos a imaxe definitiva cando se remate.
Sorte a todos! Un bico grande por cada pista localizada!

O capacho do noso mural levounos a resolver unha pista

As lendas recollidas forman parte do patrimonio inmaterial

VISITA DE GARCÍA TEIJEIRO

O luns 30 de abril visitounos Antonio García Teijeiro, coautor do libro que lemos na clase “Lendo lendas, digo versos” xunto con Antonio Reigosa e ilustrado por Xosé Cobas.

O poeta lendo versos

Despois de compartir con el as súas reflexións e os seus versos realizámoslle unha entrevista.

África, Ángel, Irena e Nuria foron os responsables de trasladarlle as preguntas dos alumnos de cuarto.

Moitas gracias, Antonio.

No encontro con García Teijeiro observamos ao fondo o noso mural

RECOMENDACIÓNS PARA OUTROS LECTORES

Nós tamén recomendamos libros. Pensamos naquelas obras que nos resultaran máis atractivas e, se fose posible, relacionadas coa nosa investigación deste ano vinculada coas tradicións e a cultura popular "Desenterrando os nosos tesouros".

Unha imaxe de alumnos de cuarto aconsellando lecturas

As recomendacións para todos escoitámolas na biblioteca. Aquí están as de primaria.Clic!  

 Anímate a ler algún dos libros suxeridos!

INTERCAMBIO LECTOR

Terceiro e cuarto compartimos os nosos libros para fomentar a lectura. Temos 15 días para lelos e devolvelos.
No mes de abril realizamos ademais "Hoxe no patio libro" e "Apadriñamento lector".
Boas e estupendas lecturas!!

Botámoslle unha ollada a todos os libros dispoñibles

Dentro de 15 días temos que devolvelos ou avisar que algo nos falta por ler

VISITA A SANTIAGO

O martes, 17 de abril o alumnado de terceiro a sexto de primaria ralizaron unha visita ao Museo do Pobo Galego dentro do proxecto "Desenterrando os nosos tesouros".
Os alumnos realizaron un obradoiro onde a partir das materias primas como a madeira, barro, pedra, fíos -la, liño, cáñamo, ...- coñeceron distintos oficios: carpinteiros, telleiros,  canteiros, palilleiros, tecelás, redeiros, ...

 

De visita polas distintas instalacións observamos as súas ferramentas e algunhas particularidades dos traballos como as marcas dos canteiros, maneiras de falar que tiñan algúns oficios para que non os entendesen como os canteiros, telleiros e albaneis.

Unha viaxe estupenda!!

SEMANA DA POESÍA

Hoxe xoves 22 de marzo continuamos cos encontros arredor da poesía.

Xuntáronse cuarto e sexto que manteñen unha relación de grupo por as actividades realizadas dentro das titorías entre iguais.

Os de sexto declamaron poemas despois de introducir as nocións básicas dun poema.

Os de cuarto lembraron versos escritos por García Teijeiro da obra “Lendo lendas, digo versos” que nos visitará nun futuro próximo.

Estupendo encontro!

LIBROS ELECTRÓNICOS NA REDE

Lendo "Los Atrevidos en busca del tesoro"

En colaboración con algunhas familias e grazas ás aportacións dos bibliotecarios municipais realizamos a experiencia de entrar en
 https://catalogo.galiciale.gal/Record/Xebook1-251.

Ilustración de Víctor Ribas para
"Escarlatina a cociñeira defunta"

Galicia Le é a plataforma da Rede das Bibliotecas Públicas de Galicia onde se poden ler algúns  libros en galego en formato dixital. Aí localizamos a "Escarlatina, a cociñeira defunta" de Leticia Costas e ilustrada por Víctor Ribas. O debuxante que nos visitara para falarnos do seu traballo a finais do pasado curso. Consultamos tamén tamén o catálogo en castelán, máis amplio. "Los Atrevidos en busca del tesoro" de Elsa Punset foi a obra que utilizamos como exemplo.

  

O HOME DO SACO, A POZA DA MOURA e A CAPELA DE SAN LOURENZO

Eva, Nuria e Sonia recolleron estas tres fermosas lendas tradicionais que habitan no noso patrimonio inmaterial. Dúas son de Cela e a terceira do veciño municipio de Moaña.

A ver se es quen de colocalas en Cela e Domaio.

Un traballo estupendo!!

Que non te despiste que podes saír de Beluso e chegar aos montes de Cela andando, que non é tanto camiño. 

LENDAS URBANAS

África e Irena recolleron narracións de mitos que non son tan tradicionais; pero están estupendas cando as escoitamos ou as lemos. Algúns introduciríanas nas lendas urbanas. Seguro que nos sorprenderán con máis como a que falaba das visións dunha nena que tamén elas nos contaron.

As rotondas, os pozos, as curvas, ... tamén teñen a súa lenda.

Muitas gracias!!

A LENDA da PEDRA FENDIDA e a de A COVA DE PORTOMAIOR

Con este traballo tratamos de facer multidisciplinar a nosa investigación arredor das lendas:

➮Recollelas das nosas familias ou veciños

➮-Escribir os textos na clase de informática

➮-Gravar en Radio Faladoiro

➮-Editalo no blog de terceiro e cuarto

Que o pasedes ben lendo ou escoitando!

PRENSA NA CLASE

Durante a semana do 5 ao 9 de marzo traballamos na clase cos xornais. Redactamos preguntas para as entrevistas ás mulleres, elaboramos os titulares e a redacción dunha noticia (quen?,  que?, onde?, cando?, como?  estaban na nosa cabeza); ata nos atopamos cunha lenda urbana "O hotel dos horrores de Poio"; na radio escolar realizamos unha entrevista a unha muller imaxinada por nós de Cela.

Se nos esquecía que localizamos informacións referidas á poboación dos sectores primario, secundario e terciario relacionando coas ciencias sociais.
Axudaron as páxinas Abalar  e os xornais enviados ao centro de La Voz de Galicia e o Diario de Pontevedra.

Redactamos as propostas de Dinamización da lingua e biblioteca escolar

#AbrideAFiestra

Como tódolos anos a  Asociación de Escritoras e Escritores en Lingua Galega proponnos conmemorar o Día de Rosalía de Castro, o vindeiro 24 de febreiro. E nós, non queremos deixar pasar esta oportunidade de achegarnos un pouco máis a nosa Rosalía de Castro. Por iso, durante toda esta semana estamos a traballar nas aulas a figura literaria da Autora, escoitamos as súas obras musicadas por diferentes autores e durante a hora de leer estos días contamos cunhas mochilas viaxeiras especiais: agochan no seu interior obras de Rosalía!!!! 

Ademais o alumnado en colaboración coas familias está preparando uns carteis coa imaxe de Rosalía acompañada duns versos da súa obra escollidos polos nenos/as. O día 24 de febreiro  colocaremos nas nosas fiestras estes carteis para mostrar ao mundo a nosa Rosalía. Estes carteis irán acompañados das fotos aportadas polas familias onde aparezan os nenos/as acompañados ou non das súas familias preferentemente persoas maiores. 

Agardamos con impaciencia eses traballos!! 

E de antemán grazas familias pola vosa valiosa colaboración.