MALETA INCLUSIVA

Recibimos nas clases, grazas as xestións da biblioteca escolar, unha maleta inclusiva para a Hora de Ler, onde poidemos percibir distintos recursos: libros con alfabeto braille para cegos, lingua de signos para xordos, textos sobre a discriminación racial, acoso escolar, ...
Todo o material permitiunos reflexionar sobre a inclusión das minorías: dos que teñen dificultades nos sentidos, das persoas con doenzas, dos que teñen menos diñeiro, dos inmigrantes, dos refuxiados, dos insultados e acosados nas escolas, ...
É posible un mundo máis xusto e traballar por el é a nosa obriga.

Na clase de quinto cos recursos que a maleta nos aportou

CAMBIAR O CONTO

Por que os príncipes son valentes e as princesas esperan que as rescaten? Cambiemos o conto: a valentía é de todos e todas, non está soamente nun xénero.
Xoga cos trebellos que queiras: non hai xoguetes para nenos e xoguetes para nenas. Que non nos marquen un camiño!
Ramón Torrente achegouse ao noso centro educativo, a través do Concello de Bueu, para impulsar as reflexións do alumnado sobre a igualdade de xénero e tentar rachar os estereotipos que, dende pequenos, a sociedade nos amosa na publicidade, nas opinións dalgúns maiores,...
Os oficios, as cores, as afeccións, os deportes,... non son de nenos ou nenas son para tod@s.

Quinto e sexto no encontro celebrado na biblioteca escolar

s.

SAÍDA A ONS

Deixamos o cole pola popa

O martes, 12 de xuño, viaxamos á illa de Ons deixando as nosas rutinas. Pasar un día de traballo diferente, compartir xogos, aprendizaxes e palabras dirixidos polas monitoras acompañantes era o noso obxectivo.

Xornada de convivencia

Realizamos unha travesía dende Bueu ata o peirao de Portonovo, continuamos posteriormente a viaxe a Ons, o destino.
Fixemos na illa un roteiro ata o faro parando nos distintos puntos de información, acompañados das guías, para observar a fauna e a flora: xestas de Ons, lagartos arnaus, gaivotas patiamarelas,... centraron a nosa atención.

Viaxando no barco

 No faro observamos algúns modelos de lentes e faláronos do alcance da luz: case 50km.
Pola tarde realizamos xogos cooperativos. 

Case nos esquecemos das lendas que falaban do destrozo dun mosteiro pola Sta. Compaña, do enterro dos monxes nas rochas, do buraco do inferno, ...

Un día estupendo!

Un recordo da viaxe

Xornada de convivencia

Mosaico de imaxes

Repoñendo forzas

Comentamos a viaxe

 

Quen son estes simpáticcos? 

Ah!, son os de cuarto. Que boíños e sorrintes. Serán sempre así?

OBRADOIRO DE ALFOMBRISTAS E VISITA DE PEPE CARREIRO

O 20 de abril recibimos a visita do autor dos Bolechas, Pepe Carreiro. O ilustrador colabora coa Asociación de Alfombras de Bueu para divulgar a cultura que se entretece arredor das rúas decoradas con distintos motivos na celebración do tradicional Corpus.
Moitas gracias a todos!!
A continuación podedes ver algunhas imaxes do obradoiro

VISITA A SANTIAGO

O martes, 17 de abril o alumnado de terceiro a sexto de primaria ralizaron unha visita ao Museo do Pobo Galego dentro do proxecto "Desenterrando os nosos tesouros".
Os alumnos realizaron un obradoiro onde a partir das materias primas como a madeira, barro, pedra, fíos -la, liño, cáñamo, ...- coñeceron distintos oficios: carpinteiros, telleiros,  canteiros, palilleiros, tecelás, redeiros, ...

 

De visita polas distintas instalacións observamos as súas ferramentas e algunhas particularidades dos traballos como as marcas dos canteiros, maneiras de falar que tiñan algúns oficios para que non os entendesen como os canteiros, telleiros e albaneis.

Unha viaxe estupenda!!

Podamos, transplantamos e coidamos as plantas.

Ficus transplantado despois do anegado e poda

Pólas enraizadas despois do anegado

Os compañeiros de quinto e sexto asumen a responsabilidade de manter as plantas neste último trimestre.

Así remata o noso labor de poda, anegado e transplantado que realizamos dende o inicio de curso o alumnado de terceiro e cuarto.

A seguir traballando!

Instrucións para transplantar

SEMANA DA POESÍA

Hoxe xoves 22 de marzo continuamos cos encontros arredor da poesía.

Xuntáronse cuarto e sexto que manteñen unha relación de grupo por as actividades realizadas dentro das titorías entre iguais.

Os de sexto declamaron poemas despois de introducir as nocións básicas dun poema.

Os de cuarto lembraron versos escritos por García Teijeiro da obra “Lendo lendas, digo versos” que nos visitará nun futuro próximo.

Estupendo encontro!

ENTREVISTA A MIRIAM FERRADÁS

Os alumnos de cuarto escribiron as preguntas para unha entrevista a unha muller amante da poesía, poeta, ensinante e dinamizadora da cultura galega.
Xoel, Eva, Asier e Sonia realizaron as preguntas dos seus compañeiros nunha entrevista chea de sinceridade.
Na galipedia tendes máis datos sobre Miriam Ferradás. Fai clic.
Parabéns polo voso traballo!

Desexamos que pasedes un estupendo Día da Poesía.

LIBROS ELECTRÓNICOS NA REDE

Lendo "Los Atrevidos en busca del tesoro"

En colaboración con algunhas familias e grazas ás aportacións dos bibliotecarios municipais realizamos a experiencia de entrar en
 https://catalogo.galiciale.gal/Record/Xebook1-251.

Ilustración de Víctor Ribas para
"Escarlatina a cociñeira defunta"

Galicia Le é a plataforma da Rede das Bibliotecas Públicas de Galicia onde se poden ler algúns  libros en galego en formato dixital. Aí localizamos a "Escarlatina, a cociñeira defunta" de Leticia Costas e ilustrada por Víctor Ribas. O debuxante que nos visitara para falarnos do seu traballo a finais do pasado curso. Consultamos tamén tamén o catálogo en castelán, máis amplio. "Los Atrevidos en busca del tesoro" de Elsa Punset foi a obra que utilizamos como exemplo.

  

O HOME DO SACO, A POZA DA MOURA e A CAPELA DE SAN LOURENZO

Eva, Nuria e Sonia recolleron estas tres fermosas lendas tradicionais que habitan no noso patrimonio inmaterial. Dúas son de Cela e a terceira do veciño municipio de Moaña.

A ver se es quen de colocalas en Cela e Domaio.

Un traballo estupendo!!

Que non te despiste que podes saír de Beluso e chegar aos montes de Cela andando, que non é tanto camiño. 

LENDAS URBANAS

África e Irena recolleron narracións de mitos que non son tan tradicionais; pero están estupendas cando as escoitamos ou as lemos. Algúns introduciríanas nas lendas urbanas. Seguro que nos sorprenderán con máis como a que falaba das visións dunha nena que tamén elas nos contaron.

As rotondas, os pozos, as curvas, ... tamén teñen a súa lenda.

Muitas gracias!!

A LENDA da PEDRA FENDIDA e a de A COVA DE PORTOMAIOR

Con este traballo tratamos de facer multidisciplinar a nosa investigación arredor das lendas:

➮Recollelas das nosas familias ou veciños

➮-Escribir os textos na clase de informática

➮-Gravar en Radio Faladoiro

➮-Editalo no blog de terceiro e cuarto

Que o pasedes ben lendo ou escoitando!

PRENSA NA CLASE

Durante a semana do 5 ao 9 de marzo traballamos na clase cos xornais. Redactamos preguntas para as entrevistas ás mulleres, elaboramos os titulares e a redacción dunha noticia (quen?,  que?, onde?, cando?, como?  estaban na nosa cabeza); ata nos atopamos cunha lenda urbana "O hotel dos horrores de Poio"; na radio escolar realizamos unha entrevista a unha muller imaxinada por nós de Cela.

Se nos esquecía que localizamos informacións referidas á poboación dos sectores primario, secundario e terciario relacionando coas ciencias sociais.
Axudaron as páxinas Abalar  e os xornais enviados ao centro de La Voz de Galicia e o Diario de Pontevedra.

Redactamos as propostas de Dinamización da lingua e biblioteca escolar

VISITA DAS NAIS DA ANPA

Realizando as preguntas preparadas e recollendo respostas

Os nenos e nenas de cuarto recibimos, conmemorando o Día Internacional da Muller, a visita de dúas nais da ANPA para conversar con nós. Elexímolas como exemplo de mulleres que realizan o esforzo voluntario de aportar á comunidade escolar a súa colaboración. Ademais realizan o seu labor diario, as veces coa ausencia prolongado dos seus maridos, polo que teñen que encargarse de múltiples tarefas.
Defendemos a igualdede real das mulleres.

A AVISPA ASIÁTICA

Na biblioteca escolar recibimos información por parte da mestra Raquel sobre a velutina. En terceiro e cuarto, seguindo as instrucións escoitadas, confeccionamos trampas caseiras coa misión de impedir que este insecto rompa o equilibrio ecolóxico do noso ecosistema.
Cada un de cuarto levou unha trampa a casa e quedou a de Ángel para colocar no colexio. Puxémola nun camelio que está florecendo.

A ver se podemos controlar esta especie invasiva; pero cremos que vai ser difícil. Aquí está o noso intento.

ROSALÍA DE CASTRO

Recollemos poemas de Rosalía coa familia e realizamos unha fotografía que mandamos ao correo da escola. Ilustramos cartullinas coa imaxe da poeta e as estrofas recollidas. Na biblioteca e na clase completamos os nosos traballos con lecturas e remate das presentacións,
O venres saímos ao patio para lembrar versos e a figura de Rosalía, baixo as ventás decoradas cos distintos traballos.

Christian destacou por lembrar un bo número de estrofas de Adiós ríos, adiós fontes

ENCONTRO COS ALUMNOS TITORES DE SEXTO

Titor lendo a titorizados

O alumnado de cuarto realizou un encontro cos seus titores de sexto. A actividade encadrouse dentro das propostas da biblioteca escolar de apadriñamento lector e a titoría entre iguais.
O obxectivo era dobre: continuar a relación iniciada o pasado curso e trazar camiños que nos permitan o fomento da lectura.

Aproveitamos as temperaturas agradables deste seco outono para 
realizar o a experiencia no patio escolar.

Cuarto preparando as súas lecturas

VISITAS Á BIBLIOTECA

  Alumnado de 3º mostrando as portadas

Como cada semana os alumnos de terceiro e cuarto visitamos a biblioteca nas nosas sesións de traballo. Nesta ocasión realizamos actividades coordinadas pola biblioteca: lembrar e expor nun mural a tapa dun libro que nos parecese atractivo, coloreada e ilustrada por nós, despois de comentar cos compañeiros o porqué da recomendación; pero tampouco esquecemos formarnos como usuarios para localizar máis facilmente os recursos que na biblioteca existen.

Cuarto curso antes de pegar no mural as recomendacións