AS CAPAS DO PLANETA TERRA

Nós tamén construímos o noso propio volcán. Agora está entrando en erupción

Despois de realizarmos unha viaxe polo Sistema solar podiamos entrar dende a superficie da Terra ata o seu interior. Como escribira Xulio Verne "Unha viaxe ao centro da Terra".
 Sabías que o planeta Terra ten unha parte chamada XEOSFERA formada por varias capas: o núcleo, o manto e a codia?
A codia e a zona máis externa do manto forman a litosfera.
Imos investigar e xogar:

CAPAS DA TERRA

ROCHAS E MINERAIS

OS VOLCÁNS

XEOSFERA

Gracias a todos os que poñedes o voso traballo a disposión do alumnado!

Uns compañeiros fixeron cunha butefa un planeta Terra con codia, manto e núcleo.

O TEMPO PASA

A miña avoa cantaba a letra dun tango, xa sabedes esa música que chegara da Arxentina e bailaban agarradas cos avós, "El tiempo pasa nos vamos poniendo viejos..." buscade en youtube. Ese día debía estar mui cabreada porque cantaba alto. A min quedoume gravada aquela expresión.

Agora venme a cabeza porque estamos no mes de San Martiño e vimos de celebrar o Samagosto; pero levamos feito tantas cousas que ata parece que dei un estirón e o pantalón me queda curto:

Apadriñamentos lectores, maletas de cómics, a experiencia dos contextos, celebramos a semana polo clima, unha saída de varios días para aprender inglés, T+t para axudar aos compañeiros, comemos castañas, fixemos xogos populares, bebemos da pócema máxica, ... 

Recollendo os diplomas onde nos nomean titores dos compañeiros máis novos

Realmente medramos en experiencias!

Jack and the Beanstalk

Programa realizado polos alumnos/as de 4º de Primaria

PRESENTACIÓN DO PROXECTO DE SEXTO

O alumnado de sexto presentou o seu traballo realizado durante este curso aos seus compañeiros do colexio.

Cada equipo foi o encargado de describir cada unha das catro etapas nas que se dividiu o proxecto.
Esta é a súa última presentación de primaria, polo que resultou moi importante para eles.

Podedes ver todo o proceso de traballo no panel de tarefas de Genially (picando en cada fase, abrirase a información)

O produto final é un decálogo de consellos para coidar o monte:

Podedes consultar todos os traballos realizados no muro colaborativo da clase:

Entrevista a Ana Alonso

INVESTIGACIÓN SOBRE AS ÁRBORES AUTÓCTONAS DOS BOSQUES GALEGOS

Os alumn@s de 3º e 4º de E. Primaria levaron a cabo unha investigación sobre as árbores que poblan os nosos bosques. Cada nen@ informouse, a través de distintos medios, dunha especie autóctona como: a sobreira, o carballo, o castiñeiro, o ameneiro, o bidueiro, o salgueiro, a aciñeira, o piñeiro, a abeleira, o loureiro, o freixo ou a nogueira; ou investigou sobre unha especie invasora como a acacia ou o eucalipto.

Ademáis de coñecer outros nomes para cada ábore tamén recolleron información sobre o tipo de folla, as súas flores, os froitos, os anos que poden vivir... Aprenderon os distintos usos de cada árbore: construción, fabricación de mobles, combustible, ornamental...ou que da cortiza do salgueiro obtense a salicina coa que se fai un fármaco moi coñecido como é a aspirina.

Coñeceron exemplares importantes como o carballo de Santa Margarida na parroquia de Mourente que o ser vivo de maior idade da provincia de Pontevedra, cuns 500 anos de antiguedade.

Ademáis en cada unha das árbores ou ao seu alrededor viven moitisimos seres vivos: paxaros, insectos, distintos mamíferos, fungos, liques...e outras aliméntanse das súas follas e froitos.

Para observar toda esta vida os nen@s, acompañados dos seus pais, achegáronse ao Monte Chans da parroquia de Cela, onde viven, e incluso lle quitaron fotos a algúns exemplares.

Aprendemos un montón e disfrutamos de tanta beleza. 

VIVAN AS ÁRBORES!!

Excursión á Lagoa de Castiñeiras.

OS ALUMNOS DO COLEXIO CEIP TORRE CELA VAN DE EXCURSIÓN Á LAGOA DE CASTIÑEIRAS

OS GUÍAS EXPLICÁRONLLE AOS NENOS A PARTIR DE 3º DE PRIMARIA HISTORIAS E CURIOSIDADES SOBRE A LAGOA.

Os alumnos e alumnas do centro saíron deste as 10:00 no autobús con destino á lagoa. Ao chegar atopáronse aos dous guías; como eran moitos , os nenos separáronse en dous grupos, cada un cun guía.
Os guías contáronlle aos nenos que a lagoa era artificial, e que nela comezou a reforestación galega, ao comezo do século XX.
A medida que a ruta avanzaba os guías explicábanlles (aos dous grupos por separado) distintas curiosidades como que os cipreses dos pantanos (unha árbore da lagoa) levantan o chan que se atopa baixo eles.

Pero na lagoa non soamente hai especies autóctonas, tamén hai especies invasoras, como é a acacia negra, que ao non ter inimigos esténdese moi rapidamente.

Pero na lagoa non soamente hai plantas e árbores, senón tamén elementos prehistóricos, como a mámoa do rei, unha gran mámoa que se pensa, foi a tumba dunha familia moi importante.
As 12:30 aproximadamente, os nenos comezaron a merendar, e ás 13:10 xa estaban no autobús de camiño ao colexio, para facer a última hora de clase.

Noticia elaborada por Antón, Carla e Marta